由細到大都想搞個網站寫下blog，最近心血來潮想整返個，唔好諗啦行動最實際，就攞我玩咗十幾年嘅興趣~遙控直升機泥開刀先，嗱!溝明先，純分享嘅啫，唔啱聽不妨討論下。
講到遙控直升機，對於未玩過嘅朋友來講，通常係玩具舖見到主旋翼有兩層果d，越平越細部就啱架啦，點解要細部呢!因為呢d入門機最好係屋企玩嘅啫，撞爛嘢嘅機會都細d丫麻，呢款機嘅特點係超易控制幾乎唔會撞爛，佢嘅慣性動作係上下移動嘅啫，前後左右真係大風d都吹走，千其唔好諗又平又大部就可以飛出去走廊𨋢口或者球場玩喎，我怕你好似我朋友老婆咁，知佢老公想玩，買咗部返來，點知連飛都飛唔起嘅，真係得啖笑。
講到呢度如果你對呢個興趣有要求，想去球場爽飛下，咁入門機都有高質素嘅機款嘅。咁!點樣去分別呢!?姐係果d話係四通道呀，但係d款多到都唔知點分，咁我可以比d意見嘅，當你見到款機主旋翼係單一層的，縲距角度不可調，尾摩打是打橫方置的，這款機嘅前後左右上下嘅機動性都是強一些的，我當年都係屋企樓下爽飛這款機成年時間，控制容易不易損毀係佢嘅特色。
呢度要補充一下所謂可變縲距角度這句字，已經是高階技術問題，呢d問題會係另外嘅文章敍述嘅，如果想知都可問我。如果主旋翼角度可調，咁呢款機就係所謂嘅六通道機款了，亦都係屬於高階機款，啫係可以玩花式嘅3d機，3d機嘅特色係機動性超強難控制，萬一炸機!可以話損毀都有一定嘅程度，想起當年轉玩3d機，練一個動作都玩幾個月，想起都暈，不過就係中意佢玩極都有嘢學。
暫時講到呢度先，希望可以幫到睇我blog嘅朋友仔啦，因為遙控直升機都牽涉到很多技術問題，如果有嘢唔明或者我寫錯嘢嘅，不妨做個朋友泥討論下，獨樂樂不如眾樂樂，最後緊係想大家分享下個blog啦，多謝多謝大家。